اخبار

حسرت لر

شبنم فرضی زاده

کدرآلیب بیرجه کونول باغینی

گونش سن سیز من دن اوسانماسایدی...

سؤزجوک لرآغلاییر ,دوزه بیلمیرم

شاعیرلیک دونیاسی یارانماسایدی...

 

کئشکه منده بولاق اولوب آخایدیم

ایلدیریملار کیمین یئره شاخایدیم

پنجره ن دن بیرقوش اولوب باخایدیم

حسرت لر اوست اوسته تالانماسایدی...

 

ایندی بیر سازی دیم چالیردین منی

شوقیله الینه آلیردین منی

هرهاوایا ایستر سالیردین منی

بیاز تئل لریمی  یئل دانماسایدی

 

اوره ک ده بسله ییب ساخلاردیم سنی

نئجه سئومه یه جک غریب وطنی؟

 آرزیما چاتمادیم ,باغیشلا منی

 اوره گیم اود توتوب بیر یانماسایدی

 

 بولودلاردوشه نیب ,چنی باغیشلا

گلمه میش گئدیرم,منی باغیشلا

گؤرمه سم بیرداها سنی باغیشلا

گؤزلریم گؤزون دن اوتانماسایدی..

۱۱ اسفند ۱۳۹۲ ۲۲:۲۶

اظهار نظر

ایمیل را وارد کنید
تعداد کاراکتر باقیمانده: 500
نظر خود را وارد کنید