اخبار

گلمه ییرداها

شبنم فرضی زاده

آغلادیم یول لاری ,گئدرکن !دایان

سنه آغلاماغیم گلمه ییرداها

گلسه ده سئل اولوب آپارارسنی

گؤز یاشیمی کیمسه سیلمه ییرداها

 

سن بیتن دن سونرا بیتیبدیر نفس

آچیلیب دونیاما یئنی بیر قفس

گؤلوش لریاندیقجا کول اولور هوس

دوداقلار چوخداندیر گولمه ییرداها

 

آیاقین یول لارا بئل باغلاییب دیر

قاییتماسین دئیه دیل داغلاییب دیر

ده گوروم یول سنه گون آغلاییب دیر؟

قاییت یول قدرینی بیلمه ییرداها

 

گوزله یه جک سنی گلنه قدر

گلیب گؤزیاشینی سیلنه قدر

عشقین قالاجاقدیر اوله نه قدر

اوزوم ده دئسم اول, اول مه ییرداها

 

ایستیر سندن یازا قوشمالار گلیر

شعرین بولاغیندان جوشمالارگلیر

آیری لار آیریلیر , قوش مالار گلیر

تکجه سنین اوزون گلمه ییرداها

۱۱ اسفند ۱۳۹۲ ۲۲:۲۷

اظهار نظر

ایمیل را وارد کنید
تعداد کاراکتر باقیمانده: 500
نظر خود را وارد کنید