اخبار

ننه پیر بییه و چش سو بورده

مریم اکبرنژاد
                                            شعر محلی

ننه پیر  بییه  و چش  سو  بورده                        وره ویمبه و مه چش خو بورده
دست این سو اون سو اشاره کنده                       ونه  برمه  مه   دل   پاره   کنده
نیشته   درون   سر دنه   نوازش                        ونه   برمه   مثل   بهار    وارش
گمبه ننه  ته صورت  چین  بخرده                        ته برمه هر چی داشتی ر  بورده
گنه   :  وچه    ندوندی   دل   درد                      مه دنیا   تاریک زندون   و  سرده 
دیگه     بهار    ماه    بو      دنیه                       این چش   بیری اون چش سو دنیه 
دست    کف    دله     نمک    دنیه                      دیگه     رفق       بی کلک     دنیه 
چه گنه چش    نارنه    هم   بوینن                      خوانه    همدیگه  ی   غم     بوینن 
نویمبه   وشون  گت   دمبه   سلام                      گمبه   همدیگه   جا    هاکنین   کلام
وچه   امروز   تره   کمبه   سفارش                    بخردی      اتا   سره     پلا    خرش
دارمبه    فقط   اتا   ته جا   خواهش                   جلو   بوردی   شه   پشت سر  هارش
۲۶ فروردین ۱۳۹۳ ۱۱:۰۹

اظهار نظر

ایمیل را وارد کنید
تعداد کاراکتر باقیمانده: 500
نظر خود را وارد کنید